រឿង​អាក្រក់ ១០​យ៉ាង​ អាច​កើត​ឡើង​ចំពោះ​ស្រី​ៗ​ដែល​ចូលចិត្ត​ផឹក​កាហ្វេ​រាល់​ថ្ងៃ

សុខភាព

ការ​ផឹក​កាហ្វេ​ វា​អាច​ធ្វើ​ឲ្យ​មាន​ទាំង​ផល​ល្អ និង​ផល​អាក្រក់​។ ប៉ុន្តែ​អ្នក​ដែល​និយម​ទទួល​ទាន​កាហ្វេ​រាល់​ថ្ងៃ ប្រហែល​ជា​មិន​សូវ​ខ្វល់​ពី​ផល​ប៉ះពាល់​នោះ​ទេ ព្រោះ​វា​ហាក់​ដូច​ជា​ទម្លាប់​ទៅ​ហើយ​សម្រាប់​ពួកគេ។ យ៉ាង​ណា​ក៏ដោយ នៅ​ថ្ងៃ​នេះ Kanha សូម​បង្ហាញ​ជូន​នូវ​ផល​ប៉ះពាល់​អវិជ្ជមាន​មួយ​ចំនួន ដែល​អាច​កើត​ឡើង​ចំពោះ​ស្រី​ៗ​ ដែល​ចូល​ចិត្ត​ផឹក​កាហ្វេ​ច្រើន​រាល់​ថ្ងៃ​។​ ផឹក​កាហ្វេ​លើស​ចំនុះ ធ្វើ​ឲ្យ​រាង​កាយ​របស់​សុភាព​នារី ប្រឈម​នឹង​បញ្ហា​ ១០​យ៉ាង​នេះ៖

១. ញៀន

«អ្នក​ណា​ថា​ផឹក​កាហ្វេ​ញៀន ខ្ញុំ​ផឹក​រាល់​ថ្ងៃ​អត់​ឃើញ​ញៀន​អី​ផង​?​» នេះជា​សម្តី​របស់​អ្នក​ចូល​ចិត្ត​ផឹក​កាហ្វេ​។ ទម្លាប់​ផឹក​កាហ្វេ យូរៗ​ទៅ នឹង​ក្លាយ​ជា​ញៀន អត់​មិន​បាន​។

២. អត់ងងុយ

តែ​ពេល​ញៀន​ហើយ គឺ​ថា​ដឹង​តែ​ចង់ ​គ្មាន​ពេល​គ្មាន​ពេល​វេលា​ទេ​។ ដូច្នេះ បើ​ផឹក​កាហ្វេ ពេល​ថ្ងៃ​រាង​ជ្រេរ​បន្តិច នោះ​វា​នឹង​ធ្វើ​ឲ្យ​អ្នក​គេង​មិន​លក់​នៅ​ពេល​យប់។ បញ្ឈរ​ភ្នែក​អត់​បាន​គេង​ពេញ​មួយ​យប់ វា​នឹង​ធ្វើ​ឲ្យ​សម្រស់​ពិបាក​មើល​ណាស់​។

៣. សម្ពាធ​ឈាម​ឡើង​ខ្ពស់​

សារធាតុ​កាហ្វេអ៊ីន អាច​ធ្វើ​ឲ្យ​សម្ពាធឈាម​របស់​អ្នក​ឡើង​ខ្ពស់​បាន ប្រសិន​បើ​អ្នក​ផឹក​កាហ្វេ​រាល់​ថ្ងៃ តែ​មិន​គិត​ធ្វើ​លំហាត់​ប្រាណ​អ្វី​នោះ​។

៤. ឡើង​ជាតិ​កូឡេស្តេរ៉ូល (Cholesterol)

ការផឹក​កាហ្វេ​ញឹកញាប់ ក៏​អាច​ប្រឈម​នឹង​ជំងឺ​បេះដូង​ផងដែរ ដោយ​សារ​តែ​ការ​ឡើង​ខ្ពស់​នៃ​ជាតិ​កូឡេស្តេរ៉ូល​។

៥. ខ្វះ​ជាតិ​ទឹក

ការ​ផឹក​កាហ្វេ អាច​ធ្វើ​ឲ្យ​អ្នក​ មិន​សូវ​ជា​ស្រេក​ទឹក​នោះ​ទេ​។ ដូច្នេះ វា​នឹង​ធ្វើ​ឲ្យ​អ្នក​បាត់​បង់​ជាតិ​ទឹក​នៅ​ក្នុង​ខ្លួន ព្រោះ​ថា​ទឹក​កាហ្វេ និង​ទឹក​សុទ្ធ គឺ​មិន​ដូចគ្នា​នោះ​ឡើយ​។

៦. ធ្វើ​ឲ្យ​កំភ្លៅ​ធំ

ដោយ​សារ​តែ​ខ្វះ​ជាតិ​ទឹក ទើប​ធ្វើ​ឲ្យ​មាន​ជាតិ​ខ្លាញ់​ឡើង​ខ្ពស់​វិញ ដែល​ជា​ហេតុធ្វើ​ឲ្យ​ផ្នែក​ទាក់​ទាញ​នៃ​រាងកាយ ជា​ពិសេស​គឺ​ភ្លៅ​តែ​ម្តង មាន​ជាតិ​ខ្លាញ់​ច្រើន​។ ស្រី​ៗ​ខ្លះ មាន​រូប​រាង​មិន​សូវ​ធាត់​ទេ ប៉ុន្តែ​បែរ​ជា​មាន​ភ្លៅ​ធំ​ទៅ​វិញ។ បញ្ហា​នេះ គឺ​អាច​បណ្តាល​មក​ពី​កាហ្វេ​ហ្នឹង​ហើយ​។

៧. ប៉ះពាល់​ឆ្អឹង

ប្រសិន​បើ​អ្នក​ផឹក​កាហ្វេ ៣​កែវ ជា​រៀងរាល់​ថ្ងៃ រយៈពេល ១​ឆ្នាំ​នោះ វា​អាច​ធ្វើ​ឲ្យ​ប៉ះពាល់​ដល់​ការ​វិវត្ត​នៃ​ឆ្អឹង​។ ដូច្នេះ​ហើយ​ទើប​ចាស់​ៗ​ភាគ​ច្រើន ហាម​មិន​ឲ្យ​ក្មេង​ៗ​ផឹក​កាហ្វេ​ទេ ព្រោះ​ខ្លាច​ពួក​គេ​មិន​លូត​កម្ពស់​។

៨. ប៉ះពាល់​ដល់​ការ​មក​រដូវ

តាម​ការ​ស្រាវជ្រាវ បាន​បង្ហាញ​ថា ស្ត្រី​នឹង​មាន​ឈាម​រដូវ មិន​សូវ​ជា​ល្អ​នោះ​ទេ ប្រសិន​បើ​ផឹក​កាហ្វេ​នៅ​អំឡុង​ពេល​នោះ​។ មិន​ត្រឹម​តែ​ប៉ុណ្ណោះ វា​ក៏​ធ្វើ​ឲ្យ​ស្ត្រី មាន​អារម្មណ៍​មិន​សូវ​ស្រួល​ខ្លួន ក្រោយ​ពេល​មក​រដូវ​ផង​ដែរ​។

៩. មាន​ភាព​មិន​នឹង​នរ​ក្នុង​ខ្លួន

​ ផឹក​កាហ្វេច្រើន​រាល់​ថ្ងៃ វា​អាច​ធ្វើ​ឲ្យ​អ្នក​មាន​អារម្មណ៍​ចលាចល ដូចជា​ញ័រ​ដៃ​ញ័រ​ជើង បែក​ញើស ហើយ​ចេះ​តែ​មា​ន​ប្រថ្នូល​ថា មាន​រឿង​អាក្រក់​ៗ​កើត​ឡើង​មក​លើ​ខ្លួន​។

១០. ធ្វើ​ឲ្យ​មាន​អារម្មណ៍​នឿយ​ហត់

ពិត​ណាស់​ថា កាហ្វេ ជួយ​ដាស់​ស្មារតី​របស់​អ្នក​ ប៉ុន្តែ​ដោយសារ​តែ​កត្តា​នេះ ទើប​អ្នក​ត្រូវ​បញ្ចេញ​ថាមពល​យ៉ាង​ច្រើន ដែល​ធ្វើ​ឲ្យ​មាន​ការ​នឿយហត់​ខុស​ពី​ធម្មតា​៕

ប្រភព៖ Youqueen

No Comments

Leave a Reply

Your email address will not be published. Required fields are marked *

សុខភាព
អាហារដែលជួយដល់អ្នកច្រាលអាស៊ីតក្នុងក្រពះ

ជំងឺ​ច្រាល​អាស៊ីត​ក្រពះ​អាច​កាន់តែ ធ្ងន់​ឡើង​ៗ នៅ​ពេល​អ្នក​ទទួលទាន​អាហារ​មួយ​ចំនួន ។ ខណៈ​ពេល​ដែល​អាហារ​មួយ​ចំនួន​ដូច​ជា​ជាតិ​កាហ្វេ​អ៉ីន អាហារ​ចៀន ឬ​បំពង និង​អាហារ​ដែល​មាន​រសជាតិ​ហឹរ គឺ​ត្រូវ​ចៀសវាង​ដាច់ខាត​ចំពោះ​អ្នកមាន​ជំងឺ​ច្រាល​អាស៊ីត​ក្រពះ​។ ទន្ទឹម​នឹង​នេះ​ក៏​មាន​អាហារ​មួយ​ចំនួន​ដែល​អ្នកមាន​ជំងឺ​ច្រាល​អាស៊ីត​ក្រពះ​អាច​បរិភោគ​បាន​ផង​ដែរ ។ ប្រសិនបើ​អ្នក​មិនដឹង​ថា ​ត្រូវ​បរិភោគ​អ្វី​នៅ​ពេល​ជំងឺ​ច្រាល​អាស៊ីត​ក្រពះ​រើ​ឡើង ខាងក្រោម​នេះ​គឺជា​អ្វី​ដែល​អ្នក​គួរតែ​ទទួលទាន ៖ ១-​ផ្លែ​រុក្ខជាតិ​ដែល​មាន​រសជាតិ​ជូរ​តិចតួច ផ្លែ​រុក្ខជាតិ​ដូច​ជា​ផ្លែ​ចេក និង​ផ្លែ​ព័រ ព្រមទាំង​ផ្លែ​ឈើ​ផ្សេង​ទៀត​ដែល​មាន​រសជាតិ​ជូរ​តិចតួច​គឺ​ល្អ​ក្នុង​ការ​ប្រយុទ្ធ​ប្រឆាំង​នឹង​ជំងឺ​ច្រាល​អាស៊ីត​។ ផ្លែ​ឈើ​ទាំងនេះ​មិន​ត្រឹមតែ​ផ្ទុក​វីតាមីន និង​សារធាតុ​រ៉ែ​ដែល​អាច​ជួយ​បង្កើត​ជញ្ជាំង​ក្រពះ​ដែល​រង​ការ​បំផ្លាញ​នោះ​ទេ ប៉ុន្តែ​វា​ក៏​ការពារ​ស្រទាប់​ក្រពះ​របស់​អ្នក​ពី​ការ​បំផ្លាញ​ដោយ​ជាតិ​អាស៊ីត​ផង​ដែរ ។ ២-​បន្លែ​ស្រុស​ឆ្អិន បន្លែ​ដែល​ស្រុស​រួច​ងាយស្រួល​ក្នុង​ការ​រំលាយ ។ មិន​ត្រឹមតែ​ប៉ុណ្ណោះ​វា​មិន​ត្រូវការ​អាស៊ីត​ក្រពះ​ច្រើន​ដើម្បី​ស្រូប​យក​នោះ​ទេ ប៉ុន្តែ​វា​ក៏​មានដំណើរ​ការ​យ៉ាង​ឆាប់រហ័ស​ចេញពី​ក្រពះ និង​ត្រូវ​បាន​បញ្ជូន​ទៅ​ពោះវៀន ។ ៣-​ទឹកដោះគោ ទឹកដោះគោ​ល្អ​បំផុត​សម្រាប់​ព្យាបាល​ការ​រលាក​ក្រពះ និង​បំពង់​អាហារ ។ នៅ​ពេល​ដែល​អ្នក​ទទួលទាន​ទឹកដោះគោ​ត្រជាក់ វា​ជួយ​បំបាត់​អាការ​ចុក​ឆ្អល់​បំពង់ក ហើយ​សារជាតិ​ធម្មជាតិ​របស់​វា​នឹង​ជួយ​បន្សាប​ជាតិ​អាស៊ីត​ដែល​មាន​លើសលុប​នៅ​ក្នុង​ក្រពះ ។ ៤-​សាច់​គ្មាន​ខ្លាញ់ សាច់​ដែល​មាន​ជាតិ​ខ្លាញ់​តិច និង​មាន​ប្រូតេអ៊ីន​ច្រើន​ដូច​ជា​សាច់​មាន់ និង​សាច់​ត្រី​អាច​ជួយ​កាត់​បន្ថយ​ការ​ច្រាល​អាស៊ីត ។ ប៉ុន្តែ​សូម​ចៀស​វា​ការ​ចម្អិន​វា​ដោយ​ចៀន ឬ​បំពង អ្នក​អាច​ដុត អាំង រឺ​ស្ងោរ​វា​មុន​ទទួលទាន ។ ៥-​ខ្លាញ់​ដែល​ល្អ​ចំពោះ​សុខភាព …

សុខភាព
បើ​មិន​ចង់​ឆាប់​ស្លាប់ ដាច់ខាត​កុំ​​ញ៉ាំ​អាហារ ៦ ប្រភេទ​នេះ​ពេល​តានតឹងខ្លាំង

មនុស្ស​ភាគច្រើន​ឲ្យតែ​មាន​អាការៈ​តានតឹង គឺ​ដឹង​តែ​រក​អាហារ​ដើម្បី​បន្ធូរ​អារម្មណ៍។ តែ​ទោះ​ជា​តានតឹង​ខ្លាំង​ប៉ុណ្ណា​ក៏​ដោយ កុំ​ទទួល​ទាន​អាហារ​ប៉ុន្មាន​មុខ​ខាងក្រោម​នេះ​ដាច់ខាត៖ ១.ស្រា និង​ស្រាបៀ នៅ​ពេល​ធុញ​ទ្រាន់​ភេសជ្ជៈ​ដែល​មាន​ជាតិ​អាល់កុល​ដូចជា​ស្រាបៀ និង​ស្រា​ត្រូវ​បាន​​មនុស្ស​ជាច្រើនផឹក ក្នុង​គោលបំណង “ដោះស្រាយ​បញ្ហា” ។ ជាតិ​អាល់កុល​តិចតួច​អាច​ធ្វើឲ្យ​អារម្មណ៍​សប្បាយ​រីករាយ​វិញ ប៉ុន្តែ​មនុស្ស​មួយ​ចំនួន​តែង​ផឹក​ច្រើន​ជ្រុល។ ពេល​ទទួលទាន​ច្រើន​ជ្រុល ស្មារតី​នឹង​ថមថយ ហើយ​បើ​ជា​មនុស្ស​លេប​ថ្នាំ​ជំងឺ​បាក់​ទឹកចិត្ត នឹង​បន្ថយ​នូវ​ប្រសិទ្ធភាព​ថ្នាំ​ផង​ដែរ។ ការ​ផឹក​ស្រា​ច្រើន​អាច​បណ្ដាល​ឲ្យ​ខ្វះ​ជាតិ​ទឹក ពិបាក​ដកដង្ហើម និង​ការ​ផ្លាស់ប្ដូរ​ជាតិ​ស្ករ​នៅ​ក្នុង​ឈាម​ដែល​ទាំងអស់​នេះ​អាច​ធ្វើឲ្យ​ការ​ថប់បារម្ភ​កាន់​តែ​អាក្រក់។ ២.កាហ្វេ មនុស្ស​ដែល មាន​អារម្មណ៍​អស់​កម្លាំង​ជា​រឿយ​ៗ ជ្រើសរើស​កាហ្វេ​ខ្មៅ​ក្ដៅ​មួយ​ពែង ដើម្បី​ជួយ​ដាស់​ស្មារតី​របស់​ពួកគេ។ ប៉ុន្តែ​យោង​តាម​អ្នក​ជំនាញ​បាន​បញ្ជាក់​ថា ជាតិ​កាហ្វេអ៊ីន​នឹង​បង្កើន​អារម្មណ៍​នៃ​ការ​ថប់បារម្ភ ការ​រអាក់រអួល ការ​ធ្វើឲ្យ​អារម្មណ៍​របស់​អ្នក​កាន់តែ​អាក្រក់។ ដូច្នេះ​ប្រសិនបើ​អ្នក​មាន​អារម្មណ៍​ធុញទ្រាន់ អ្នក​គួរតែ​កាត់​បន្ថយ​បរិមាណ​កាហ្វេ​ដែល​ត្រូវ​ញ៉ាំ ដោយ​គ្រាន់តែ​យក​មួយ​ពែង​តូច​នៅ​ពេល​ព្រឹក គឺ​គ្រប់គ្រាន់​ពេញ​មួយ​ថ្ងៃ។ ៣.ស្ករ ពេល​តានតឹង​មនុស្ស​ជាច្រើន​ត្រូវ​ការ​ជាតិ​ផ្អែម​ៗ ដើម្បី​បង្កើន​កម្លាំង​ឡើង​វិញ។ យោង​តាម​ការស្រាវជ្រាវ​បាន​ឲ្យ​ដឹង​ថា ជាតិ​ស្ករ​អាច​បណ្ដាល​ឲ្យ​មាន​បញ្ហា​ប្រព័ន្ធ​សរសៃប្រសាទ ដែល​ធ្វើឲ្យ​អារម្មណ៍​កាន់តែ​ក្រៀមក្រំ ព្រោះ​បាត់បង់ សារធាតុ​ serotonin ។ វា​ក៏​អាច​បណ្ដាល​អ្នក​ក្រៀមក្រំ ហើយ​ពេល​គ្មាន​ serotonin អ្នក​នឹង​ឆាប់​ឈឺក្បាល បញ្ហា​ការ​គេង បញ្ហា​អារម្មណ៍ និង​ការ​បាក់​ទឹកចិត្ត​កាន់តែ​អាក្រក់​ទៅ​ៗ។ …

សុខភាព
លំហាត់ប្រាណទាំង ៨ ប្រភេទ ដែលអ្នកអាចអនុវត្តន៍បាន ដោយមិនចាំបាច់ក្រោកចេញពីគ្រែឡើយ

លំហាត់ប្រាណ មិនត្រឹមតែជួយបញ្ចុះទម្ងន់ និងបង្កើនសាច់ដុំប៉ុណ្ណោះទេ វាថែមទាំងជួយឲ្យរាងកាយទាំងមូល មានសុខភាពល្អទៀតផង។ ដោយហេតុនេះហើយ ថ្ងៃនេះ យើងនឹងលើកយកនូវលំហាត់ប្រាណមួយចំនួនដែលអ្នកអាចអនុវត្តន៍បានរៀងរាល់ពេលក្រោកពីគេង ដោយមិនចាំបាច់ក្រោកចេញពីគ្រែគេងឡើយ។ លំហាត់ប្រាណទាំងនេះ នឹងជួយឲ្យរាងកាយដំណើរការបានល្អប្រសើរ និងជួយឲ្យអារម្មណ៍ស្រស់ថ្លា ព្រមទាំងតម្រង់ឆ្អឹងខ្នងអ្នក បានយ៉ាងមានប្រសិទ្ធភាព។ បញ្ជាក់៖ យកកន្សែងពោះគោមូរ ទុកមកប្រើប្រាស់ជំនួសខ្នោយកើយរបស់អ្នក ចង់ដឹងថាយ៉ាងណានោះ សូមតាមដាន អត្ថបទខាងក្រោមនេះ ៖ លំហាត់ប្រាណទី ១៖ ដាក់កន្សែងពោះគោ នៅពីក្រោមក្បាលរបស់អ្នក ត្រង់ស្មា បន្ទាប់មកបោះដៃឡើងទៅលើឲ្យអស់ រួចរំកិលខ្លួន ដើម្បីឲ្យកន្សែងនោះរំកិលចុះឡើង ដូចជាការ៉េមកំពុងរលាយយ៉ាងអ៊ីចឹង។ លំហាត់ប្រាណទី ២៖ ដាក់កន្សែងពោះគោមូរនោះ នៅពីក្រោម ក រួចយកបាតដៃត្រដុសគ្នាឲ្យក្តៅ បន្ទាប់មកយកមកត្រដុស ផ្ទៃមុខ ថ្ងាស ត្រចៀក និងក្បាលវិញម្តង។ បន្ទាប់មក អនុវត្តម្តងទៀតលើ បរិវេណ ក ដើមទ្រូង និងក្បាលពោះ។ លំហាត់ប្រាណទី ៣៖ ដាក់កន្សែងពីក្រោម …