គន្លឹះងាយៗ ប៉ុន្តែមានប្រសិទ្ធភាពដោះស្រាយស្ថានភាពអាសន្នដែលអ្នកមិនគួរមើលរំលង

ពត័មាន

ពួកយើងរស់នៅក្នុងពេលវេលាមួយដែលអ្វីៗគ្រប់យ៉ាងក៏អាចកើតឡើង និងទៅរួចបាន។ ថ្ងៃណាមួយយើងអាចនឹងជួបប្រទះ ឬស្ថិតនៅក្នុងស្ថានភាពមួយដូចក្នុងខ្សែភាពយន្តអុីចឹង។ ផ្នែកដ៏ល្អបំផុត និងអាក្រក់បំផុត គឺថាអ្នកមិនធ្លាប់ ឬអាចបានដឹងនៅពេលណាហេតុការណ៍ស្មានមិនដល់នឹងកើតឡើង។ ទោះជាយ៉ាងណា យកល្អអ្នកគួរចេះរៀបចំ ប្រុងបៀបខ្លួនទុកជាមុនគ្រប់ពេល។ខាងក្រោមជាវិធីដ៏មានប្រសិទ្ធភាពមួយចំនួនដែលអ្នកគួរតែដឹងជៀសវាងការមិនដឹងថាធ្វើយ៉ាងណាក្នុងពេលស្ថិតក្រោមស្ថានភាពអាសន្នណាមួយ ៖

១. បញ្ឈប់រថយន្តនៅពេលហ្វ្រាំងខូច ៖ ស្ថិតក្នុងស្ថានភាពបែបនេះ អ្នកត្រូវចាប់ផ្ដើមជាន់ដកៗឈ្នាន់ហ្វ្រាំងរថយន្តឲ្យញាប់ហើយខ្លាំង ដើម្បីបង្ក់ើតសម្ពាធប្រេងហ្វ្រាំង។ ប្រសិនបើវិធីនេះមិនអាចជួយបាន អ្នកត្រូវប្រើប្រាស់ហ្រ្វាំងដៃម្ដង។ ប៉ុន្តែប្រសិនបើវិធីនេះនៅតែមិនអាចជួយបានទៀតនោះ ចូរអ្នកបញ្ជារថយន្តឲ្យបុកជាមួយនឹងរនាំង ដើម្បីបន្ថយល្បឿន។ គួរបញ្ជាក់ផងដែរថា​ វិធីចុងក្រោយនេះនឹងធ្វើឲ្យរថយន្តមានការខូចខាត ដូច្នេះអ្នកគួរយកវាមកប្រើជាមធ្យោបាយតែនៅក្នុងពេលណាដែលអ្នកគ្មានជម្រើសល្អអ្វីផ្សេង។

២. បង្កាត់ភ្លើង ដោយមិនចាំបាច់ប្រើធនធានអ្វីច្រើន ៖ អ្វីដែលអ្នកត្រូវការនោះ គឺថ្មពិល និងក្រដាសអាលុយមីញ៉ូម ២ សន្លឹកតូចៗ (ប្រើក្រដាសអាលុយមីញ៉ូមដែលរុំពីក្រៅស្ករកៅស៊ូក៏បាន)។ អ្នកត្រូវដាក់ក្រដាសអាលុយមីញ៉ូមនៅចុងសងខាងនៃថ្មពិល បន្តិចក្រោយមកក្រដាសនឹងឡើងក្ដៅ ហើយឆេះ។

៣. លេខទូរស័ព្ទសង្គ្រោះបន្ទាន់ ៖ ទូរស័ព្ទភាគច្រើន គឺអាចទូរស័ព្ទទៅកាន់លេខសង្គ្រោះបន្ទាន់ឬលេខអាសន្នក្នុងតំបន់បាន ទោះជាទូរស័ព្ទគ្មានស៊ីម។ ដូច្នេះ បើទោះជាអ្នកស្ថិតនៅក្នុងតំបន់ដែលមិនមានសេវាទូរស័ព្ទក៏ដោយ ចូរកុំបិទទូរស័ព្ទរបស់អ្នក។ ការប៉ុនប៉ងហៅទូរស័ព្ទទៅលេខសង្គ្រោះបន្ទាន់អាចបញ្ជូនខ្សែអេឡិចត្រូនិចដែលអនុញ្ញាតឱ្យអ្នកជួយសង្គ្រោះដឹងថាអ្នកនៅរស់រានមានជីវិតនៅឡើយ។

៤. របៀបបង្កើតឧបករណ៍បន្សុទ្ធទឹក ៖ អ្នកអាចបង្កើតឧបករណ៍ច្រោះទឹកបានដោយគ្រាន់តែប្រើប្រាស់ដបទទេមួយ ក្រួសល្អិត ខ្សាច់លាយក្រួស ធ្យូង និងខ្សាច់ម៉ត់ (ដាក់លើគេ)។ ទឹកនឹងត្រូវច្រោះស្អាត នៅពេលដែលហូរកាត់ស្រទាប់ទាំងនោះ។

៥. បញ្ជូនសញ្ញាអាសន្ន ៖ សញ្ញាភ្លើងអាសន្ន គឺជាមធ្យោបាយមួយដែលបង្កើតឲ្យមានផ្សែងជាច្រើន។ វិធីបង្កើតភ្លើងអាសន្ន គឺងាយស្រួលណាស់ ដោយអ្នកគ្រាន់តែដុតស្លឹកឈើស្រស់ ស្លឹកឈើសើម ជ័រ កៅស៊ូ មកដុតជាការស្រេច។ វិធីមួយទៀតដើម្បីបញ្ជូនសញ្ញាអាសន្ន គឺប្រើវត្ថុដែលឆ្លុះបានដូចជា កញ្ចក់ បន្ទះស៊ីឌី គ្រឿងអលង្ការ ជាដើម។

៦. ជៀសឆ្ងាយពីសត្វល្អិតមានពិស ៖ អ្នកប្រហែលជាមិនចាំបាច់ព្រួយបារម្ភច្រើនពេកអំពីការខាំរបស់សត្វពីងពាងធម្មតាមួយក្បាលឡើយ លើកលែងតែអ្នកមានប្រតិកម្ម។ ប្រតិកម្ម ឬអាឡែកស៊ីដែលបណ្ដាលមកពីពីងពាងមានពិសខ្លាំង គឺធ្វើឲ្យឈឺណាស់។ ឧទាហរណ៍ពិសរបស់សត្វពីងពាងមេម៉ាយខ្មៅដែលជាសត្វពីងពាងដែលមានពិសខ្លាំង ភ្លាមៗបន្ទាប់ពីការខាំនៃសត្វនេះអ្នកនឹងចាប់ផ្ដើមឈឺចាប់ត្រង់កន្លែងខាំនោះតែម្ដង ហើយក្រោយមកការឈឺចាប់នឹងរាលដាលទៅផ្នែកផ្សេងទៀតនៃរាងកាយដូចជា ទ្រូង និងពោះ។ អ្នកអាចសម្គាល់ថាជា ពីងពាងមេម៉ាយខ្មៅ តាមរយៈរូបរាងពណ៌ខ្មៅ ហើយចំណុចពណ៌ក្រហមនៅលើផ្ទៃខាងក្រៀមនៃពោះរបស់វា។

៧.គេចចេញពីចរន្តទឹកហូរទាញឆ្ពោះទៅក្រោមសមុទ្រ (ចរន្តទឹកកាច់) ៖ ប្រសិនបើអ្នកប្រទះឃើញថាខ្លួនឯងកំពុងជាប់ក្នុងចរន្តទឹកហូរ កុំស្លន់ស្លោរ។ កុំព្យាយាមហែលត្រង់ឆ្ពោះទៅច្រាំង ប៉ុន្តែត្រូវធ្វើចលនាហែលតាមអង្កត់ទ្រូង ឬស្របទៅនឹងវារួចសន្សឹមៗទៅរកច្រាំង។ ចរន្តទឹកនឹងរលាយនៅត្រង់ចំណុចណាមួយហើយវានឹងមិនទាញអ្នកចុះក្រោមឡើយ។

៨. កុំបឺត ឬជញ្ជក់យកពិសពស់ចេញ ៖ បើទោះវាជាអ្វីដែលយើងធ្លាប់បានឃើញនៅលើកញ្ចក់ទូរទស្សន៍ក៏ដោយ ក៏ការជញ្ជក់យកពិសនេះមិនមែនជាគំនិតល្អដែលអ្នកគួរធ្វើតាមឡើយ។ វាអាចមានគ្រោះថ្នាក់ដោយវាអាចបង្កឲ្យពិសកាន់តែរីករាលដាល ហើយបណ្ដាលឲ្យស្បែកដែលនៅជុំវិញកន្លែងរបួសត្រូវទទួលរងការខូចខាត។

ប្រភព ៖ Brightside, and copy from komsan.khmernotes.com

No Comments

Leave a Reply

Your email address will not be published. Required fields are marked *

ពត័មាន
សញ្ញា ១០​យ៉ាង ដែល​បង្ហាញ​​ថា​អ្នក​នឹង​ជោគជ័យ​នៅ​ថ្ងៃ​អនាគត

មិន​មាន​នរណា​ម្នាក់ អាច​មើល​ដឹង​ពី​រឿង​អនាគត​នោះ​ទេ ប៉ុន្តែ​គេ​អាច​ដឹង​ថា តើ​អនាគត​របស់​គេ​អាច​នឹង​ក្លាយ​ជា​អ្វី ប្រសិន​បើ​គេ​បាន​ខិត​ខំ​ប្រឹង​ប្រែង​តាំង​ពី​ពេល​បច្ចុប្បន្ន។ ដូច្នេះ មាន​សញ្ញា​ចំនួន ១០ ដែល​បង្ហាញ​ថា អ្នក​អាច​ក្លាយ​ជា​បុគ្គល​ជោគជ័យ នៅ​ថ្ងៃ​អនាគត​ ប្រសិន​បើ​អ្នក​មាន​ទម្លាប់​ធ្វើ​រឿង​ទាំង​នេះ៖ ១. គោរព​ម៉ោង​ពេល ប្រសិន​បើ​អ្នក​តែង​តែ​ទៅ​ធ្វើការ​​​ទាន់​ពេល​វេលា នោះ​មាន​ន័យ​ថា អ្នក​ជា​មនុស្ស​ដែល​យក​ចិត្ត​ទុក​ដាក់​ពី​ការងារ​ទាំង​សម្រាប់​ខ្លួន​ឯង​ផ្ទាល់ និង​ទាំង​សម្រាប់​ក្រុម​ការងារ​ទាំងមូល​។ មនុស្ស​ដែល​គោរព​ពេល​វេលា​ប្រជុំ ឬ ការ​ណាត់​ជួប​ណា​មួយ គឺ​ជា​មនុស្ស​ដែល​នឹង​ក្លាយ​ជា​មេដឹកនាំ​ទៅ​ថ្ងៃ​អនាគត​។ ២. មិន​អង្គុយ​រអ៊ូរ មិន​បន្ទោស​អ្នក​ដទៃ បើ​សិន​អ្នក​មិន​អាច​សម្រេច​ការងារ​អ្វី​មួយ​បាន អ្នក​មិន​នៅ​អង្គុយ​រអ៊ូរ ហើយ​ទម្លាក់​កំហុស​ដាក់​អ្នក​ដទៃ​នោះ​ទេ​។ អ្នក​នឹង​ចាត់​ទុក​វា​ជា​បទពិសោធន៍ ហើយ​ព្យាយាម​រក​ដំណោះស្រាយ​។ ៣. អបអរ​ជោគជ័យ​របស់​អ្នក​ដទៃ (បើក​ចិត្ត​ឲ្យ​ទូលាយ) អ្នក​តែងតែ​សប្បាយ​ចិត្ត ប្រសិន​បើ​ឃើញ​មិត្តភក្តិ ឬ មិត្ត​រួម​ការងារ​របស់​អ្នក​ទទួល​បាន​ជោគជ័យ​។ អ្នក​នឹង​មិន​មាន​ចិត្ត​ច្រណែន​ឈ្នានីស​​ ចំពោះ​ភាព​ជោគជ័យ​របស់​ពួកគេ​នោះ​ទេ។ ផ្ទុយ​ទៅ​វិញ អ្នក​ក៏​រក្សា​ចិត្ត​ធ្វើ​ឲ្យ​បាន​ដូច ឬ លើស​ពួក​គេ​នៅ​ថ្ងៃ​ណា​មួយ​។ ៤. បញ្ចេញ​យោបល់ អ្នក​ចូល​រួម​បញ្ចេញ​យោបល់ ដើម្បី​ការ​វិវត្ត​ផ្សេង​ៗ​។ អ្នក​មិន​មែន​ជា​មនុស្សដែល​អង្គុយ​នៅ​ស្ងៀម ហើយ​ចាំតែ​ហៃអើ គ្រប់​សំណើរ …

ពត័មាន
អត្ថប្រយោជន៍ពិសេសៗមួយចំនួននៃអំបិលដែលមនុស្សជាច្រើនមិនធ្លាប់ដឹង

ក្រៅពីប្រើប្រាស់ដើម្បីបង្កើនរសជាតិអាហារហើយនោះ អំបិលក៏ត្រូវបានប្រើជាផលិតផលសំអាតផ្ទះអស់រយៈពេលជាច្រើនសតវត្សផងដែរ។ មិនត្រឹមតែប៉ុណ្ណឹងទេ តាមពិតទៅអំបិលត្រូវបានគេចាត់ទុកផងដែរថាជាថ្នាំកម្ចាត់មេរោគដែលមានតំលៃថោក និងមិនមានផ្ទុកជាតិពុល ហើយនេះជាមូលហេតុដែលអំបិលអាចផ្ដល់សុវត្ថិភាពខ្ពស់សម្រាប់យើងក្នុងការប្រើប្រាស់ ហើយថែមទាំងផ្តល់នូវលទ្ធផលដ៏ប្រសើរអស្ចារ្យ។ អ្នកនឹងចាប់អារម្មណ៍ងាកមកប្រើប្រាស់អំបិលច្រើនជាងមុនតាមរយៈមូលហេតុមួយចំនួនផ្សេងទៀតខាងក្រោមនេះ ៖ ១. ការពារផ្ទះពីហ្វូងសត្វស្រមោច ៖ ប្រសិនជាអ្នកចង់កម្ចាត់ហ្វូងសត្វស្រមោចដែលតែងវារជាជួរនៅសឹងគ្រប់កន្លែងក្នុងផ្ទះដូចជា នៅតាមទ្វារ បង្អួច ឬទូផ្ទះបាយនោះអ្នកគ្រាន់តែធ្វើការរោយអំបិលមួយចំនួនត្រង់កន្លែងដែលអ្នកបានឃើញពួកវាជាការស្រេច។ អំបិលក៏មានប្រសិទ្ធភាពជួយកាត់បន្ថយកម្រិតនៃភាពមានសំណើមក្នុងផ្ទះរបស់អ្នកបានផងដែរ។ ២. ភ្នាក់ងារដ៏ពិសេសសម្រាប់សម្អាតកញ្ចក់បង្អួចនៃផ្ទះ និងរថយន្ត ៖ អ្នកគ្រាន់តែធ្វើការលាយទឹកក្ដៅឧណ្ហៗ ១ហ្គាល្លុង ជាមួយនឹងអំបិល ២ស្លាបព្រាបាយ រួចកូរល្បាយនេះឲ្យសព្វ។ ប្រើប្រាស់ល្បាយនេះដើម្បីសម្អាតស្នាមប្រឡាក់ដែលជាប់ដិតខ្លាំងនៅលើកញ្ចក់បង្អួច ដោយព្យាយាមដុសរហូតទាល់តែបង្អួចប្រែជាមានសភាពភ្លឺថ្លា។ អ្នកអាចប្រើប្រាស់វិធី ឬរបៀបដូចគ្នានេះ ដើម្បីសម្អាតកញ្ចក់រថយន្តរបស់អ្នក ហើយអ្វីដែលកាន់តែពិសេសនោះ គឺវាមានប្រសិទ្ធភាពបានយូរ។ ៣. ស្តារពណ៌នៃវាំងនននិងកំរាលព្រំ ៖ អ្វីដែលអ្នកត្រូវធ្វើនោះ គឺគ្រាន់តែយកក្រណាត់មួយមកត្រាំក្នុងទឹកអំបិលឲ្យបានមួយស្របក់ បន្ទាប់មកយកក្រណាត់នេះមកជូតឬដុសលើកម្រាលព្រំ និងវាំងននដែលអ្នកចង់សម្អាតជាការស្រេច។ ដំណោះស្រាយនេះមានប្រសិទ្ធភាពខ្ពស់ក្នុងការកម្ចាត់ស្នាមប្រឡាក់ ក៏ដូចជាភាពកខ្វក់ផ្សេងៗដែលជាប់នៅលើកម្រាលព្រំនិងវាំងនន។ ៤. ជាសមាសធាតុសម្រាប់សម្អាតរបស់ធ្វើពីស្ពាន់ ប្រាក់ និងទង់ដែង ៖ ដើម្បីរក្សាពណ៌វត្ថុដែលធ្វើពី ស្ពាន់ ប្រាក់ …

ពត័មាន
Lexus 570 !!! ជិះ​ព្រោងព្រាត​នៅ​ខ្មែរ ខណៈ​ថៃ​រក​សឹង​តែ​មួយ​គ្មាន ព្រោះតែ…

Lexus 570 ជា​ម៉ាក​រថយន្ត​តម្លៃ​ថ្លៃ ពេញ​និយម​បំផុត​នៅ​ខ្មែរ ដែល​ជា​ប្រទេស​មាន​សេដ្ឋកិច្ច​លំបាក​នៅ​ឡើយ តែ​សម្រាប់​ប្រទេស​ថៃ​ដែល​មាន​សេដ្ឋកិច្ច​ខ្លាំង បែរ​ជា​មិន​សូវ​ឃើញ​មាន​ជិះ​ទៅ​វិញ​ទូទាំង​ប្រទេស។ នៅ​ស្រុក​ខ្មែរ សេដ្ឋី​អ្នក​មាន​ប្រាក់​ច្រើន ពិសេស​មន្រ្តី​ធំៗ​ចូល​ចិត្ត​ទិញ Lexus 570 ជិះ​ដោយ​សារ ឡាន​មួយ​នេះ បង្ហាញ​ពី​អំណាច​និង​ភាព​ស៊ីវិល័យ​សម្រាប់​អ្នក​ដែល​ជិះ​វា ដូច្នេះ​ទើប​ពេញ​និយម​ខ្លាំង ពិសេស​សម្រាប់​អ្នក​រាជការ​មាន​មុខ​តំណែង​ធំៗ។ រាល់ Lexus 570 ចេញ​ថ្មី​ភ្លាមៗ តែង​តែ​ឃើញ​មាន​វត្តមាន​លើ​ដង​ផ្លូវ​ក្នុង​ក្រុង​ភ្នំពេញ ទោះ​តម្លៃ​ដាក់​លក់​ថ្លៃ​ដល់​ទៅ​ប្រមាណ ២២ម៉ឺន​ដុល្លារ​ក៏​ដោយ។ សម្រាប់​នៅ​ថៃ​វិញ​គ្រប់​ម៉ូដែល​ម៉ាក Lexus ពិសេស LX 570 ហាក់​មាន​តិច​បំផុត ឬ​សឹង​តែ​គ្មាន។ មូលហេតុ​រថយន្ត​ម៉ាក​នេះ​នៅ​ប្រទេស​ថៃ​គឺ​មាន​តម្លៃ​ថ្លៃ ដែល​ថ្លៃ​ជាង​តម្លៃ​លក់​នៅ​តាម​ហាង​នៅ​ខ្មែរ​ប្រហែល ១ម៉ឺន​ដុល្លារ​ឯណោះ។ តម្លៃ Lexus លក់​ថ្លៃ​ជាង​នៅ​កម្ពុជា​ដល់​ទៅ​ជាង ១ម៉ឺន​ដុល្លារ​ដូច្នេះ ក៏​ព្រោះ​តែ​ម៉ូដែល Lexus នៅ​ថៃ​ជា​រថយន្ត​​នាំ​ចូល​ទាំង​ស្រុង ដូច្នេះ​ពន្ធ​ក៏​ថ្លៃ​ដូច​គ្នា​សម្រាប់​រថយន្ត​នាំ​ចូល តែ​បើ​រថយន្ត​ដែល​ដំឡើង​នៅ​ថៃ​ដូចជា BMW, Honda, Hyundai និង​ម៉ាក​ផ្សេងៗ​ជា​ច្រើន​ទៀត គឺ​តម្លៃ​ធូរថ្លៃ​បំផុត។ ជាក់​ស្តែង ម៉ូដែល …